سیدنا ابوہریرہ رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: جس شخص نے نماز جمعہ کی ایک رکعت پا لی تو اس نے پوری نماز کو پا لیا۔ [المستدرك على الصحيحين/كِتَابُ الْجُمُعَةِ/حدیث: 1089]

سیدنا ابوہریرہ رضٰ اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: جب شخص نے ایک رکعت پا لی تو وہ دوسری رکعت (خود) پڑھ لے۔ ٭٭ اسامہ کہتے ہیں: میں نے اہل مجلس سے قاسم بن محمد اور سالم کے حوالے سے سنا ہے کہ وہ بھی یہی کرتے تھے۔ [المستدرك على الصحيحين/كِتَابُ الْجُمُعَةِ/حدیث: 1090]

سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے ارشاد فرمایا: جس شخص نے جمعہ کی ایک رکعت پائی وہ دوسری (بھی خود) پڑھ لے۔ ٭٭ یہ تینوں سندیں شیخین رحمۃ اللہ علیہما کے معیار پر صحیح ہیں لیکن انہوں نے ان لفظوں کے ہمراہ اسے نقل نہیں کیا۔ امام بخاری رحمۃ اللہ علیہ اور امام مسلم رحمۃ اللہ علیہ دونوں نے زہری کی وہ حدیث نقل کی ہے جس میں انہوں نے ابوسلمہ رضی اللہ عنہ کے واسطے سے ابوہریرہ رضی اللہ عنہ کی یہ روایت نقل کی ہے ” رسول اللہ صلی اللہ علیہ وسلم نے ارشاد فرمایا: جس نے نماز کی ایک رکعت پائی اور جس نے نماز عصر کی ایک رکعت پائی “ امام مسلم رحمۃ اللہ علیہ نے اس میں یہ بھی اضافہ کیا ہے۔” فَقَدْ أَدْرَكَهَا كُلَّهَا فَقَطْ “ (تو اس نے پوری نماز پا لی) [المستدرك على الصحيحين/كِتَابُ الْجُمُعَةِ/حدیث: 1091]