سیدنا طلحہ بن عبداللہ بن عوف رضی اللہ عنہ فرماتے ہیں: میں نے سیدنا ابن عباس رضی اللہ عنہما کے پیچھے ایک نماز جنازہ پڑھی تو میں نے ان کو سورہ فاتحہ پڑھتے سنا، جب وہ نماز سے فارغ ہوئے تو میں نے ان کا ہاتھ پکڑ کر ان سے پوچھا: کیا آپ قراءت کرتے ہیں؟ انہوں نے جواباً کہا: جی ہاں۔ یہ حق ہے اور یہ ” سنت “ ہے۔ ابراہیم بن ابویحیی کی سند کے ہمراہ اس حدیث کی ایک مفسر حدیث شاہد موجود ہے (جو کہ درج ذیل ہے)۔ [المستدرك على الصحيحين/كِتَابُ الْجَنَائِزِ/حدیث: 1340]

سیدنا جابر رضی اللہ عنہ فرماتے ہیں: نبی اکرم صلی اللہ علیہ وسلم نماز جنازہ میں چار تکبیریں پڑھا کرتے تھے، ان میں سے پہلی تکبیر کے بعد سورہ فاتحہ پڑھا کرتے تھے۔ [المستدرك على الصحيحين/كِتَابُ الْجَنَائِزِ/حدیث: 1341]