سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”قیامت کے دن صاحبِ قرآن آئے گا تو قرآن عرض کرے گا: اے میرے رب! اسے زیور (لباس) پہنا، تو اسے عزت کا تاج پہنایا جائے گا، پھر وہ عرض کرے گا: اے میرے رب! اسے مزید عطا فرما، اے میرے رب! اس سے راضی ہو جا، تو اللہ اس سے راضی ہو جائے گا، اور اس (صاحبِ قرآن) سے کہا جائے گا: پڑھتا جا اور بلند ہوتا جا، اور ہر آیت کے بدلے اس کی ایک نیکی بڑھا دی جائے گی۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ فَضَائِلِ الْقُرْآنِ/حدیث: 2052]