سیدنا عبداللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بے شک ابلیس اس بات سے مایوس ہو چکا ہے کہ سرزمینِ عرب میں بتوں کی پوجا کی جائے، لیکن وہ اس سے کم درجے کی باتوں یعنی تمہارے ان اعمال سے خوش ہو جائے گا جنہیں تم معمولی سمجھتے ہو حالانکہ وہ ہلاک کر دینے والے ہیں، پس تم جہاں تک ہو سکے ظلم اور حقوق العباد کی پامالی سے بچو، کیونکہ بندہ قیامت کے دن اتنی نیکیاں لے کر آئے گا کہ اسے گمان ہوگا کہ وہ اسے نجات دلا دیں گی، لیکن کوئی نہ کوئی بندہ کھڑا ہو کر کہے گا: اے میرے رب! فلاں نے مجھ پر فلاں ظلم کیا تھا، تو حکم ہوگا: اس کی نیکیوں میں سے مٹا دو، یہاں تک کہ اس کے پاس کوئی نیکی باقی نہیں رہے گی۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ: الْبُيُوعِ/حدیث: 2252]