سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جس کی سفارش اللہ کی حدود میں سے کسی حد کے آڑے آگئی، تو اس نے اللہ کے معاملے میں اس کی مخالفت کی، اور جو اس حال میں مرا کہ اس پر قرض تھا، تو وہاں (آخرت میں) کوئی دینار و درہم نہیں ہوگا بلکہ نیکیاں اور گناہ ہوں گے، اور جس نے جانتے بوجھتے ہوئے کسی باطل معاملے میں جھگڑا کیا تو وہ ہمیشہ اللہ کی ناراضی میں رہتا ہے یہاں تک کہ وہ اس سے باز آ جائے، اور جس نے کسی مومن کے بارے میں ایسی بات کہی جو اس میں نہیں تھی، اسے ”ردغہ الخبال“ (اہلِ جہنم کے پیپ کے ذخیرے) میں قید رکھا جائے گا جب تک کہ وہ اپنی کہی ہوئی بات کی حقیقت ثابت نہ کر دے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ: الْبُيُوعِ/حدیث: 2253]