0 [المستدرك على الصحيحين/كِتَابُ الطَّلَاقِ/حدیث: 2856]

(سیدنا عبداللہ) ابن عباس رضی اللہ عنہما فرماتے ہیں: ابن مسعود یہ نہیں کہہ سکتے اور اگر انہوں نے کہا بھی ہے تو میں اس کو ایک آدمی کے متعلق عالم کی لغزش قرار دوں گا۔ ایک آدمی کہتا ہے: اگر میں فلاں خاتون سے شادی کروں تو اسے طلاق ہے اللہ تعالیٰ فرماتا ہے: (یٰٓاَیُّھَا الَّذِیْنَ ٰامَنُوْآ اِذَا نَکَحْتُمُ الْمُؤْمِنٰتِ ثُمَّ طَلَّقْتُمُوْھُنَّ) (الاحزاب: 49) ” اے ایمان والو! جب تم مسلمان عورتوں سے نکاح کر پھر انہیں بے ہاتھ لگائے چھوڑ دو “۔ اللہ تعالیٰ نے یہ نہیں فرمایا: جب تم مومن خواتین کو طلاق دو پھر ان سے نکاح کرو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الطَّلَاقِ/حدیث: 2857]