سیدنا ابوہریرہ رضی اللہ عنہ فرماتے ہیں: رسول اللہ صلی اللہ علیہ وسلم نے جبریل امین علیہ السلام سے (سورۂ زمر کی) اس آیت (نمبر 68): (وَنُفِخَ فِی الصُّوْرِ فَصَعِقَ مَنْ فِی السَّمَوَاتِ وَ مَنْ فِی الْاَرْضِ اِلَّا مَنْ شَائَ اللّٰہُ) (الزمر: 68) ” اور صور پھونکا جائے گا تو بے ہوش ہو جائیں گے جتنے آسمانوں میں ہیں اور جتنے زمین میں مگر جسے اللہ چاہے، پھر وہ دوبارہ پھونکا جائے گا جبھی وہ دیکھتے ہوئے کھڑے ہو جائیں گے “۔ کے متعلق پوچھا کہ وہ کون لوگ ہیں جن کو اللہ تعالیٰ بے ہوش نہیں کرے گا؟ سیدنا جبریل علیہ السلام نے جواب دیا: وہ لوگ اللہ عزوجل کے گواہ ہیں۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3037]