٭٭ سیدنا ابی بن کعب رضی اللہ عنہ اللہ تعالیٰ کے ارشاد: وَبَشِّرِ الَّذِیْنَ ٰامَنُوْآ اَنَّ لَھُمْ قَدَمَ صِدْقٍ عِنْدَ رَبِّھِمْ (یونس: 2) ” اور ایمان والوں کو خوشخبری دو کہ ان کے لیے ان کے رب کے پاس سچ کا مقام ہے “ کے متعلق فرماتے ہیں: (اس میں صَدَقق) سلف کے معنی میں ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3336]

سیدنا ابوبکر رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: حد سے تجاوز مت کر اور باغیوں میں سے نہ ہو، کیونکہ اللہ تعالیٰ ارشاد فرماتا ہے: اِنَّمَا بَغْیُکُمْ عَلٰٓی اَنْفُسِکُمْ (یونس: 23) ” تمہاری زیادتی تمہاری ہی جانوں کا وبال ہے “ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3337]