سیدنا انس رضی اللہ عنہ، سیدنا ابی بن کعب رضی اللہ عنہ سے روایت کرتے ہیں کہ انہوں نے اللہ تعالیٰ کے اس فرمان: ﴿وَبَشِّرِ الَّذِينَ آمَنُوا أَنَّ لَهُمْ قَدَمَ صِدْقٍ عِنْدَ رَبِّهِمْ﴾ [سورة يونس: 2] ”اور ایمان والوں کو خوشخبری دے دیجیے کہ ان کے رب کے پاس ان کے لیے سچائی کا مقام ہے“ کے بارے میں فرمایا کہ اس سے مراد ان کا اپنے رب کے ہاں ”نیکیوں کا وہ ذخیرہ ہے جو وہ پہلے بھیج چکے ہیں“۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3336]