عبدالرحمن بن یزید رضی اللہ عنہ بیان کرتے ہیں: سیدنا عبداللہ مغرب کی نماز پڑھ رہے ہوتے اور ہم دیکھتے کہ ابھی سورج موجود ہوتا تھا۔ ایک دن ہم لوگ یہی دیکھ رہے تھے تو انہوں نے پوچھا: تم لوگ کیا دیکھ رہے ہو؟ انہوں نے کہا: سورج کی طرف دیکھ رہے ہیں۔ سیدنا عبداللہ رضی اللہ عنہ نے فرمایا: اس ذات کی قسم جس کے سوا کوئی معبود نہیں ہے یہ اسی نماز کا وقت ہے پھر انہوں نے یہ آیت پڑھی: اَقِمِ الصَّلٰوۃَ لِدُلُوْکِ الشَّمْسِ اِلٰی غَسَقِ الَّیْلِ (الاسراء: 78) ” نماز قائم رکھو سورج ڈھلنے سے رات کی اندھیری تک “۔ پس ” دلوک الشمس “ یہی وقت ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے ان الفاظ کے ہمراہ نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3422]