ابوہریرہ اور زید بن خالد رضی اللہ عنہما سے روایت ہے کہ ایک آدمی نے بیان کیا کہ اس کے بیٹے نے ایک آدمی کی بیوی سے زنا کیا ہے، تو رسول اللہ صلی اللہ علیہ وسلم نے فرمایا: ”میں تمہارے درمیان فیصلہ اللہ کی کتاب سے کروں گا۔“ پھر آپ صلی اللہ علیہ وسلم نے اس کے بیٹے کو سو کوڑے لگوائے اور ایک سال کے لیے جلاوطن کر دیا۔ پھر آپ صلی اللہ علیہ وسلم نے انیس رضی اللہ عنہ کو حکم دیا کہ وہ صبح اس عورت کے پاس جائیں، اگر وہ زنا کا اعتراف کرے تو اسے رجم کر دیں، جب اس عورت نے اعتراف کیا تو انیس رضی اللہ عنہ نے اس کو سنگسار کر دیا۔ [المستدرك على الصحيحين/كِتَابُ التَّفْسِيرِ/حدیث: 3658]