ابوعمران جونی رحمہ اللہ سے روایت ہے کہ سیدنا عمر بن خطاب رضی اللہ عنہ ایک عیسائی راہب کی عبادت گاہ کے پاس سے گزرے تو انہوں نے اسے آواز دی: اے راہب! اے راہب! وہ راہب جھانک کر دیکھنے لگا، سیدنا عمر رضی اللہ عنہ اسے دیکھ کر رونے لگے، ان سے عرض کی گیا: اے امیر المومنین! آپ اس کی کس حالت پر رو رہے ہیں؟ انہوں نے فرمایا: مجھے اللہ عزوجل کا اپنی کتاب میں یہ فرمان یاد آ گیا: ﴿عَامِلَةٌ نَاصِبَةٌ (3) تَصْلَى نَارًا حَامِيَةً (4) تُسْقَى مِنْ عَيْنٍ آنِيَةٍ﴾ [سورة الغاشية: 3-5] ”وہ محنت کرنے والے اور تھکنے والے ہوں گے، وہ دہکتی آگ میں داخل ہوں گے، انہیں نہایت کھولتے ہوئے چشمے سے پانی پلایا جائے گا“، بس یہی وہ بات ہے جس نے مجھے رلا دیا۔
یہ اس وقت کی ایک حکایت ہے کیونکہ ابوعمران جونی نے سیدنا عمر رضی اللہ عنہ کا زمانہ نہیں پایا۔ [المستدرك على الصحيحين/كِتَابُ التَّفْسِيرِ/حدیث: 3969]