سیدنا جابر رضی اللہ عنہ فرماتے ہیں: رسول اللہ صلی اللہ علیہ وسلم نے ارشاد فرمایا: مجھے حکم دیا گیا ہے کہ میں لوگوں سے جہاد کروں حتیٰ کہ وہ لا الہ الا اللہ کا اقرار کر لیں جب وہ کلمہ کا اقرار کر لیں تو ان کے خون اور ان کے مال مجھ سے محفوظ ہیں۔ الا یہ کہ جو حق بنتا ہے اور ان کا حساب اللہ پر ہے۔ پھر رسول اللہ صلی اللہ علیہ وسلم نے یہ آیات پڑھیں: لَسْتَ عَلَیْھِمْ بِمُصَیْطِرٍ اِلَّا مَنْ تَوَلّٰی وَ کَفَرَ فَیُعَذِّبُہُ اللّٰہُ الْعَذَابَ الْاَکْبَرَ (الغاشیۃ: 22، 23، 24) ” تم کچھ ان پر کڑوڑا (ضامن) نہیں، ہاں جو منہ پھیرے اور کفر کرے، تو اسے اللہ بڑا عذاب دے گا “۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3970]