سیدنا جابر رضی اللہ عنہ سے روایت ہے کہ سیدہ فاطمہ رضی اللہ عنہا رسول اللہ صلی اللہ علیہ وسلم کی وفات کے بعد صرف دو ماہ تک حیات رہیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4823]

سیدنا علی رضی اللہ عنہ سے روایت ہے کہ جب رسول اللہ صلی اللہ علیہ وسلم کی وفات ہوئی تو سیدہ فاطمہ رضی اللہ عنہا (فرطِ غم سے) کہتی تھیں: ”ہائے میرے ابا جان! جو اپنے رب کے کتنے قریب ہو گئے، ہائے میرے ابا جان! جن کا ٹھکانا جنت الفردوس ہے، ہائے میرے ابا جان! جب وہ اپنے رب کے پاس آئے تو ان کے رب نے انہیں معزز فرمایا، ہائے میرے ابا جان! جب وہ اپنے رب سے ملے تو رب اور اس کے رسولوں نے ان پر سلامتی بھیجی۔“ پس جب سیدہ فاطمہ رضی اللہ عنہا کی وفات ہوئی تو سیدنا علی بن ابی طالب رضی اللہ عنہ نے یہ اشعار کہے: ”دو دوستوں کے ہر اجتماع کا انجام جدائی ہے، اور فراق کے علاوہ جو کچھ بھی ہے وہ کم ہے، میرا ایک کے بعد دوسرے (محبوب) کو کھو دینا اس بات کی دلیل ہے کہ کوئی دوست ہمیشہ رہنے والا نہیں۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4824]