سیدنا علی رضی اللہ عنہ سے روایت ہے کہ رسول اللہ صلی اللہ علیہ وسلم کی وفات کے موقع پر سیدہ فاطمہ رضی اللہ عنہا یوں کہتی تھی ” اے میرے ابا جان! آپ اپنے رب کے کتنے قریب ہو گئے ہیں، اے میرے ابا جان! جنت خلد آپ کا ٹھکانہ ہے، اے میرے ابا جان! جب آپ اپنے رب کی بارگاہ میں پہنچے ہوں گے تو اللہ کریم نے آپ کو کتنی عزت دی ہو گی، اے میرے ابا جان! جب آپ نے اپنے رب سے ملاقات کی ہو گی تو رب تعالیٰ اور اس کے فرشتے آپ پر سلام بھیج رہے ہوں گے، اور جب سیدہ فاطمہ رضی اللہ عنہا کا انتقال ہوا تو سیدنا علی رضی اللہ عنہ نے درج ذیل اشعار کہے۔ دو دوستوں کے ملاپ میں جدائی بہرحال ہوتی ہے کوئی شاذونادر ہی فراق سے بچا ہو گا۔ اور میں نے جو یکے بعد دیگرے دو دوست کھو دیئے ہیں یہ اس بات کا بین ثبوت ہے کہ کوئی دوست (دنیا میں) ہمیشہ نہیں رہتا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4824]