سفیان بن لیل ہمدانی کہتا ہے کہ جب سیدنا معاویہ نے لوگوں سے بیعت لی تو میں اس موقع پر سیدنا حسن بن علی رضی اللہ عنہما کے پاس آیا اور ان کو اس طرح مخاطب کیا ” اے مومنین کے چہرے سیاہ کرنے والے! پھر اس کے بعد پوری حدیث بیان کی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4853]

سفیان بن لیل کہتے ہیں: جب سیدنا حسن اور سیدنا معاویہ رضی اللہ عنہما کا اختلاف واقع ہوا، میں مدینۃ المنورہ میں ان کے پاس گیا تو وہ اپنے ساتھیوں کے ہمراہ بیٹھے ہوئے تھے۔ اس کے بعد لمبی حدیث بیان کی۔ وہاں پر اذان کے بارے میں گفتگو چل نکلی، بعض لوگوں کا موقف یہ تھا کہ سیدنا عبداللہ بن زید بن عاصم کی خواب سے اذان کا آغاز ہوا، تو سیدنا حسن بن علی رضی اللہ عنہما نے اس سے کہا: اذان کی شان اس سے کہیں زیادہ بلند ہے، کیونکہ سیدنا جبرائیل علیہ السلام نے آسمانوں میں اذان کے الفاظ دو دو مرتبہ کہے، اور وہی اذان انہوں نے رسول اللہ صلی اللہ علیہ وسلم کو تعلیم فرمائی، اور اقامت کے الفاظ ایک ایک مرتبہ کہے اور رسول اللہ صلی اللہ علیہ وسلم کو بھی یہی تعلیم فرمائے۔ پھر جب سیدنا حسن خلیفہ نامزد ہو گئے تو انہوں نے خود اذان پڑھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4854]