سیدنا جابر رضی اللہ عنہ سے روایت ہے کہ سیدنا ثعلبہ بن عنمہ رضی اللہ عنہ رسول اللہ صلی اللہ علیہ وسلم کی خدمت میں حاضر ہوئے جبکہ آپ تشریف فرما تھے، انہوں نے سلام کیا جبکہ ثعلبہ کی انگلی میں سونے کی انگوٹھی تھی، آپ صلی اللہ علیہ وسلم نے ان کے سلام کا جواب نہیں دیا، انہوں نے دوبارہ سلام کیا تو آپ صلی اللہ علیہ وسلم نے جواب نہ دیا، پھر تیسری بار سلام کیا تو آپ صلی اللہ علیہ وسلم نے پھر بھی جواب نہ دیا، تو وہاں موجود کسی شخص نے عرض کیا: ثعلبہ نے آپ کو تین مرتبہ سلام کیا اور آپ نے جواب نہیں دیا؟ رسول اللہ صلی اللہ علیہ وسلم نے فرمایا: ”کیا تم دیکھ نہیں رہے کہ وہ اپنے ہاتھ میں موجود آگ کے انگارے سے میرے چہرے پر چھینٹے مار رہا ہے؟!“ یہ سن کر ثعلبہ نے فوراً وہ انگوٹھی پھینک دی۔
سیدنا رافع بن مالک زرقی رضی اللہ عنہ کے مناقب کا ذکر: [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5091]