سیدنا عکرمہ بن ابی جہل رضی اللہ عنہ سے روایت ہے کہ جس دن میں (بارگاہِ رسالت میں) حاضر ہوا تو نبی کریم صلی اللہ علیہ وسلم نے مجھ سے فرمایا: «مَرْحَبًا بِالرَّاكِبِ الْمُهَاجِرِ، مَرْحَبًا بِالرَّاكِبِ الْمُهَاجِرِ، مَرْحَبًا بِالرَّاكِبِ الْمُهَاجِرِ» ”خوش آمدید، اے ہجرت کرنے والے سوار! خوش آمدید، اے ہجرت کرنے والے سوار! خوش آمدید، اے ہجرت کرنے والے سوار!“ تو میں نے عرض کیا: اللہ کی قسم! اے اللہ کے رسول، میں نے (دین سے روکنے کے لیے) جو بھی مال خرچ کیا تھا، اب اس کے برابر اللہ عزوجل کی راہ میں ضرور خرچ کروں گا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5136]