سیدنا عبداللہ بن عباس رضی اللہ عنہما سے روایت ہے کہ ایک شخص نے سیدنا عباس رضی اللہ عنہ کے ایک (آبائی) بزرگ کا تذکرہ برائی کے ساتھ کیا، جس پر سیدنا عباس رضی اللہ عنہ نے اسے تھپڑ مار دیا۔ پھر اس شخص کے قبیلے والے جمع ہوئے اور کہنے لگے: اللہ کی قسم! وہ بھی عباس کو اسی طرح تھپڑ مارے گا جیسے انہوں نے اسے مارا ہے۔ یہ بات رسول اللہ صلی اللہ علیہ وسلم تک پہنچی تو آپ صلی اللہ علیہ وسلم نے خطبہ دیا اور فرمایا: ”اللہ کے ہاں لوگوں میں سب سے زیادہ معزز کون ہے؟“ صحابہ کرام نے عرض کیا: اے اللہ کے رسول! آپ ہیں۔ آپ صلی اللہ علیہ وسلم نے فرمایا: ”بیشک عباس مجھ سے ہیں اور میں ان سے ہوں، تم ہمارے مُردوں کو گالیاں مت دو کہ اس کی وجہ سے تم زندوں کو اذیت پہنچاؤ۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5508]