زید بن اسلم سیدنا عبداللہ بن عمر رضی اللہ عنہما سے روایت کرتے ہیں، انہوں نے کہا: عمر بن خطاب رضی اللہ عنہ نے عام الرمادہ (قحط سالی کے سال) میں سیدنا عباس بن عبدالمطلب رضی اللہ عنہ کے وسیلے سے بارش طلب کی، اور یہ دعا فرمائی: «اللَّهُمَّ هَذَا عَمُّ نَبِيِّكَ نَتَوَجَّهُ إِلَيْكَ بِهِ، فَاسْقِنَا» ”اے اللہ! یہ تیرے نبی کے چچا ہیں، ہم ان کے ذریعے تیری طرف متوجہ ہوتے ہیں (انہیں وسیلہ بناتے ہیں)، پس تو ہمیں سیراب کر دے۔“ راوی کہتے ہیں: وہ ابھی وہاں سے ہٹے بھی نہیں تھے کہ اللہ تعالیٰ نے انہیں سیراب کر دیا۔ راوی کہتے ہیں: پھر عمر رضی اللہ عنہ نے لوگوں سے خطاب کیا اور فرمایا: ”اے لوگو! بیشک رسول اللہ صلی اللہ علیہ وسلم عباس رضی اللہ عنہ کو وہی مقام دیتے تھے جو ایک بیٹا اپنے باپ کو دیتا ہے، آپ صلی اللہ علیہ وسلم ان کی تعظیم و توقیر کرتے اور ان کی قسم پوری کرتے تھے۔ پس اے لوگو! تم بھی رسول اللہ صلی اللہ علیہ وسلم کے چچا عباس رضی اللہ عنہ کے حق میں آپ صلی اللہ علیہ وسلم کی پیروی کرو، اور جب تم پر کوئی مصیبت نازل ہو تو انہیں اللہ تعالیٰ کی بارگاہ میں وسیلہ بناؤ۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5527]