عروہ سے روایت ہے، انہوں نے کہا: شیطان کی طرف سے ایک افواہ اڑائی گئی کہ محمد صلی اللہ علیہ وسلم کو پکڑ لیا گیا ہے۔ زبیر رضی اللہ عنہ نے یہ خبر سنی تو ان کی عمر اس وقت صرف گیارہ سال تھی۔ وہ اپنی ننگی تلوار لے کر نکلے، یہاں تک کہ نبی کریم صلی اللہ علیہ وسلم کے پاس آ کر کھڑے ہو گئے۔ آپ صلی اللہ علیہ وسلم نے پوچھا: ”تمہیں کیا ہوا؟“ انہوں نے عرض کیا: ”میں نے ارادہ کیا تھا کہ جس نے آپ کو پکڑا ہے میں اسے (اس تلوار سے) مار دوں گا۔“ اس پر نبی کریم صلی اللہ علیہ وسلم نے ان کے لیے اور ان کی تلوار کے لیے دعا فرمائی۔ اور یہ اللہ کی راہ میں کھینچی جانے والی سب سے پہلی تلوار تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5650]