سیدنا عبداللہ رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: عمار رضی اللہ عنہ کے رگ و پے میں ایمان سرایت کئے ہوئے ہے۔ ٭٭ اگر محمد بن ابی یعقوب نے عبدالرحمن بن مہدی سے روایت کو یاد کیا ہے تو یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے۔ کیونکہ ابوعلی الحافظ نے اپنی درج ذیل سند کے ہمراہ بھی مجھے روایت سنائی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5784]

ابو علی حافظ نے مجھے بتایا، وہ کہتے ہیں کہ ہمیں محمد بن اسحاق نے بتایا، ہمیں ابو موسیٰ نے بتایا، ہمیں عبد الرحمٰن نے سفیان (ثوری) کے واسطے سے بتایا، انہوں نے اعمش سے، انہوں نے ابو عمار سے، انہوں نے عمرو بن شرحبیل سے اور انہوں نے نبی کریم صلی اللہ علیہ وسلم کے صحابہ میں سے ایک شخص سے روایت کیا ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5785]

محمد بن علی بن حنفیہ فرماتے ہیں: سیدنا عمار بن یاسر رضی اللہ عنہ رسول اللہ صلی اللہ علیہ وسلم کی بارگاہ میں حاضر ہوئے، اس وقت نبی اکرم صلی اللہ علیہ وسلم علیل تھے، رسول اللہ صلی اللہ علیہ وسلم نے اس موقع پر سیدنا عمار رضی اللہ عنہ سے فرمایا: کیا میں تمہیں وہ دم کرنا سکھاؤں جو دم مجھے سیدنا جبریل امین علیہ السلام نے کیا ہے؟ میں نے کہا: جی ہاں یا رسول اللہ صلی اللہ علیہ وسلم ۔ تب رسول اللہ صلی اللہ علیہ وسلم نے ان کو یہ دم سکھایا۔ بِسْمِ اللَّهِ أَرْقِيكَ، وَاللَّهُ يَشْفِيكَ مِنْ كُلِّ دَاءٍ يُؤْذِيكَ، خُذْهَا فَلْتَهْنِكَ ” میں اللہ کے نام سے شروع کر کے تمہیں دم کرتا ہوں، اور اللہ تمہیں ہر اس بیماری سے شفا دے جو تمہیں تکلیف دے “۔ اس کو پکڑ لے اور خوش ہو جا۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن امام بخاری رحمۃ اللہ علیہ اور امام مسلم رحمۃ اللہ علیہ دونوں نے ہی اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5786]