شعبی سے روایت ہے کہ علم رسول اللہ صلی اللہ علیہ وسلم کے چھ صحابہ سے حاصل کیا جاتا ہے، سیدنا عمر، عبداللہ بن مسعود اور زید بن ثابت رضی اللہ عنہم کا علم ایک دوسرے کے مشابہ تھا اور وہ ایک دوسرے سے استفادہ کرتے تھے، جبکہ سیدنا علی، ابی بن کعب اور ابوموسیٰ اشعری رضی اللہ عنہم کا علم ایک دوسرے سے ملتا جلتا تھا اور وہ ایک دوسرے سے فیض پاتے تھے۔ راوی کہتے ہیں کہ میں نے شعبی سے پوچھا: کیا ابوموسیٰ اشعری رضی اللہ عنہ بھی ان (بڑے علماء) میں شامل تھے؟ انہوں نے کہا: وہ جید فقہاء میں سے ایک تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5897]

صلت بن بہرام سے روایت ہے کہ سیدنا زید بن ثابت رضی اللہ عنہ کے جنازے میں شریک ایک صاحب نے مجھے بتایا کہ جب انہیں دفن کر دیا گیا تو سیدنا ابن عباس رضی اللہ عنہما ان کی قبر پر کھڑے ہوئے اور فرمایا: ”علم اسی طرح رخصت ہو جاتا ہے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5898]