ابن شوذب کا کہنا ہے کہ ایک جنازے کے دوران میں نے صلت بن بہرام کو یہ کہتے ہوئے سنا ہے کہ اس چارپائی والے (صاحب جنازہ) نے بتایا ہے کہ وہ سیدنا زید بن ثابت رضی اللہ عنہ کے جنازے میں شریک تھے، جب ان کو دفن کر دیا گیا تو سیدنا عبداللہ بن عباس رضی اللہ عنہما ان کی قبر کے پاس بیٹھ کر بہت روئے اور فرمایا: (زمانے سے) اس طرح علم جائے گا “۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5898]

سیدنا عمرو بن دینار فرماتے ہیں: سیدنا عبداللہ بن عباس رضی اللہ عنہما اور سیدنا زید بن ثابت رضی اللہ عنہ ایک جنازے میں شریک تھے، جب سیدنا زید سواری پر سوار ہونے لگے تو سیدنا عبداللہ بن عباس رضی اللہ عنہما نے خود اپنے ہاتھ سے رکاب پکڑ کر ان کا پاؤں رکاب میں ڈالا، اور فرمایا: اے میرے بھتیجے! اب سوار ہو جاؤ، پھر فرمایا: علماء کرام کا یوں احترام کرنا چاہیے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5899]

علی بن زید بن جدعان فرماتے ہیں: جب سیدنا عبداللہ بن عباس رضی اللہ عنہما نے سیدنا زید بن ثابت رضی اللہ عنہ کو دفن کیا اور ان کی قبر پر مٹی ڈال دی تو فرمایا: یوں علم دفن ہو جائے گا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5900]