سیدنا جابر بن عبداللہ انصاری رضی اللہ عنہ سے روایت ہے کہ سیدنا عثمان بن عفان رضی اللہ عنہ نے مجھے پچاس سواروں کے ساتھ مقامِ ذی خشب کی طرف بھیجا اور ہمارے امیر سیدنا محمد بن مسلمہ انصاری رضی اللہ عنہ تھے۔ راوی کہتے ہیں کہ ایک شخص آیا جس کے گلے میں قرآن مجید لٹکا ہوا تھا اور ہاتھ میں تلوار تھی جبکہ اس کی آنکھوں سے آنسو بہہ رہے تھے، اس نے کہا: ”یہ (قرآن) ہمیں حکم دیتا ہے کہ ہم اس (تلوار) کے ذریعے ان احکامات پر لڑیں جو اس (قرآن) میں موجود ہیں!“ سیدنا محمد بن مسلمہ رضی اللہ عنہ نے اس سے فرمایا: ”بیٹھ جاؤ! بلاشبہ ہم تمہاری پیدائش سے بھی پہلے اس (قرآن) میں موجود احکامات کے نفاذ کے لیے اس (تلوار) سے لڑ چکے ہیں“، پھر وہ مسلسل اسے سمجھاتے رہے یہاں تک کہ وہ شخص واپس چلا گیا۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5954]