خلیفہ بن خیاط کہتے ہیں: سیدنا عبدالرحمن ابن ابی بکر صدیق رضی اللہ عنہما 53 ہجری کو فوت ہوئے، آپ اپنی بہن سیدہ عائشہ رضی اللہ عنہا کے ہمراہ جنگ جمل میں شریک ہوئے تھے اور بصرہ میں ابن عامر کے پاس آئے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6125]

ابن ابی ملیکہ فرماتے ہیں: سیدنا عبدالرحمن ابن ابی بکر صدیق رضی اللہ عنہما حبشیٰ میں فوت ہوئے، یہ مکہ سے ایک ایک برید کے فاصلے پر ہے۔ ام المومنین سیدہ عائشہ رضی اللہ عنہا حج کے لئے آئیں تو ان کی قبر انور پر بھی گئیں، قبر انور کی زیارت کر کے آپ رو پڑیں اور وہاں یہ اشعار کہے۔ * ہم دونوں آپس میں ایسے دوست کی طرح تھے جو ایک طویل عرصہ ایک دوسرے کے ساتھ رہے ہوں۔ حتی کہ لوگ کہتے تھے کہ یہ کبھی ایک دوسرے سے جدا نہیں ہوں گے۔ * اور جب ہم جدا ہوئے تو ایسی دوری ہوئی، اتنا عرصہ ساتھ گزارنے کے باوجود لگتا تھا کہ ہم ایک دن بھی ساتھ نہیں رہے۔ * پھر وہ یہ کہتے ہوئے مکہ کی جانب لوٹ آئی کہ اللہ کی قسم! اگر میں وہاں موجود ہوتی تو جہاں تیری وفات ہوئی ہے، میں تجھے وہیں دفن کرواتی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6126]