سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”ابوہریرہ علم کا برتن ہیں۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6283]

سیدنا خالد بن سعید بن عمرو بن سعید بن العاص اپنے والد سے اور وہ سیدہ عائشہ رضی اللہ عنہا سے روایت کرتے ہیں کہ انہوں نے سیدنا ابوہریرہ رضی اللہ عنہ کو بلوایا اور ان سے کہا: ”اے ابوہریرہ! یہ کیسی احادیث ہیں جو ہمیں معلوم ہو رہا ہے کہ تم نبی کریم صلی اللہ علیہ وسلم کے حوالے سے بیان کرتے ہو؟ کیا تم نے وہی کچھ نہیں سنا جو ہم نے سنا اور وہی کچھ نہیں دیکھا جو ہم نے دیکھا؟“ انہوں نے عرض کیا: ”اے امی جان! آپ کو رسول اللہ صلی اللہ علیہ وسلم کے ساتھ (زیادہ وقت گزارنے سے) آئینہ، سرمہ دانی اور رسول اللہ صلی اللہ علیہ وسلم کے لیے بناؤ سنگھار بھی مصروفیت ہوتی تھی (جس کی وجہ سے ہو سکتا ہے کہ بہت سارے اقوال اور افعال کا آپ کو پتا نہ چلتا ہو لیکن)، جبکہ اللہ کی قسم! مجھے آپ صلی اللہ علیہ وسلم کی رفاقت سے کوئی چیز مشغول نہیں رکھتی تھی۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6284]