سیدنا رافع بن خدیج رضی اللہ عنہ فرماتے ہیں: رسول اللہ صلی اللہ علیہ وسلم نے ان کو جنگ احد کی اجازت دی تھی اور ان کو تیر اندازوں میں شامل کیا تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6523]

محمد بن عمر فرماتے ہیں: سلمہ بن اکوع رضی اللہ عنہ (کے والد کا نام) سنان بن عبداللہ بن قشیر بن خزیمہ بن مالک بن سلامان بن اسلم بن افصی “ ہے۔ آپ خود اپنے بارے میں فرماتے ہیں: میں نے رسول اللہ صلی اللہ علیہ وسلم کے ہمراہ 7 غزوات میں شرکت کی ہے۔ اور زید بن حارثہ رضی اللہ عنہ کے ہمراہ 9 غزوات میں شامل ہوا ہوں۔ رسول اللہ صلی اللہ علیہ وسلم ان کو ہمارا امیر مقرر فرما دیتے تھے۔ محمد بن عمر فرماتے ہیں: میں نے سنا ہے کہ سیدنا سلمہ بن اکوع رضی اللہ عنہ کی کنیت ” ابوالعباس “ تھی۔ ایاس بن سلمہ فرماتے ہیں: میرے والد سیدنا سلمہ بن اکوع رضی اللہ عنہ کا وصال مبارک 74 ہجری کو مدینہ منورہ میں ہوا۔ وفات کے وقت ان کی عمر 80 برس تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6524]