سیدنا عبداللہ بن جعفر رضی اللہ عنہ فرماتے ہیں: عبیداللہ، قثم اور ہم کھیل رہے تھے، رسول اللہ صلی اللہ علیہ وسلم کا گزر ہمارے قریب سے ہوا، آپ صلی اللہ علیہ وسلم نے فرمایا: اس کو میری طرف اٹھاؤ، انہوں نے مجھے اٹھا دیا، رسول اللہ صلی اللہ علیہ وسلم نے قثم کے بارے میں فرمایا: اس کو بھی میرے ساتھ اٹھاؤ، چنانچہ ان کو آپ صلی اللہ علیہ وسلم کی پچھلی جانب اٹھا دیا، پھر رسول اللہ صلی اللہ علیہ وسلم نے ہمارے لئے دعا مانگی، سیدنا عباس رضی اللہ عنہ، قثم سے زیادہ عبیداللہ رضی اللہ عنہ سے محبت کرتے تھے، وہ اپنے چچا کے ساتھ بے تکلف تھے، میں نے پوچھا: قثم نے کیا کیا؟ تو انہوں نے جواب دیا: وہ شہید ہو گئے، میں نے کہا: اللہ اور اس کا رسول بھلائی کو بہتر جانتے ہیں۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6553]

امام مسلم بن حجاج فرماتے ہیں: سیدنا عبداللہ بن جعفر بن ابی طالب رضی اللہ عنہ نے رسول اللہ صلی اللہ علیہ وسلم سے احادیث سنی ہیں، اور رسول اللہ صلی اللہ علیہ وسلم کی وفات کے وقت ان کی عمر 20 سال تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6554]