ابو مودود سے مروی ہے کہ میں نے سیدنا سہل بن سعد رضی اللہ عنہ کو دیکھا کہ ان کی داڑھی سفید ہو چکی تھی اور انہوں نے اپنی مونچھیں کتروا رکھی تھیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6585]

سیدنا سہل بن سعد رضی اللہ عنہ سے ان کے والد اور دادا کے واسطے سے مروی ہے کہ وہ غزوہ احد کے دن رسول اللہ صلی اللہ علیہ وسلم کے ساتھ حاضر تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6586]

ابراہیم بن منذر سے مروی ہے کہ سیدنا سہل بن سعد ساعدی رضی اللہ عنہ (جن کی کنیت ابوالعباس تھی) کی وفات مدینہ منورہ میں 91 ہجری میں ہوئی، اور وہ مدینہ منورہ میں وفات پانے والے رسول اللہ صلی اللہ علیہ وسلم کے آخری صحابی تھے، اس وقت ان کی عمر ایک سو سال تھی۔
سیدنا عبداللہ بن ابی حدرد اسلمی رضی اللہ عنہ کا ذکر [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6587]