سیدنا سفینہ رضی اللہ عنہ سے ان کے نام کے بارے میں پوچھا گیا تو انہوں نے بتایا کہ میرا نام قیس تھا لیکن رسول اللہ صلی اللہ علیہ وسلم نے میرا نام ”سفینہ“ (کشتی) رکھ دیا، ان سے پوچھا گیا کہ آپ صلی اللہ علیہ وسلم نے آپ کا نام سفینہ کیوں رکھا؟ انہوں نے کہا کہ رسول اللہ صلی اللہ علیہ وسلم اپنے صحابہ کے ہمراہ سفر پر نکلے تو ان کا سامان ان پر بوجھل ہو گیا، آپ صلی اللہ علیہ وسلم نے مجھ سے فرمایا: ”اپنی چادر بچھاؤ“ میں نے چادر بچھا دی، آپ صلی اللہ علیہ وسلم نے اس میں ان سب کا سامان رکھ دیا، پھر اسے مجھ پر لاد دیا اور فرمایا: ”اسے اٹھاؤ، تم تو ایک کشتی (سفینہ) ہو“، سفینہ رضی اللہ عنہ نے کہا کہ اس دن کے بعد اگر مجھ پر ایک، دو یا پانچ چھ اونٹوں کا بوجھ بھی لاد دیا جاتا تو وہ مجھ پر بوجھل نہ ہوتا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6693]

سیدنا سفینہ ابوعبدالرحمن رضی اللہ عنہ سے روایت ہے کہ سیدہ ام سلمہ رضی اللہ عنہا نے مجھے اس شرط پر آزاد کیا تھا کہ جب تک رسول اللہ صلی اللہ علیہ وسلم حیات ہیں میں آپ صلی اللہ علیہ وسلم کی خدمت کروں گا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6694]