سیدنا طاؤس فرماتے ہیں: ایک آدمی نے کہا: اے اللہ تعالیٰ کے نبی! میں کئی جگہوں پر کھڑا ہو کر اللہ تعالیٰ کی رضا طلب کرتا ہوں اور ساتھ ہی ساتھ یہ بھی خواہش ہوتی ہے کہ میرا مقام بھی ظاہر ہو، راوی کہتے ہیں: ابھی رسول اللہ صلی اللہ علیہ وسلم نے میرے سوال کا جواب نہیں دیا تھا کہ یہ آیت نازل ہو گئی۔ فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا [ الكهف: 110 ] ” تو جسے اپنے رب سے ملنے کی امید ہو اسے چاہیے کہ نیک کام کرے اور اپنے رب کی بندگی میں کسی کو شریک نہ کرے “ [المستدرك على الصحيحين/كِتَابُ الرِّقَاقِ/حدیث: 8138]