سیدنا ابوذر رضی اللہ عنہ فرماتے ہیں کہ رسول اللہ صلی اللہ علیہ وسلم نے مجھے فرمایا: قبروں کی زیارت کے لیے جایا کرو، کیونکہ اس سے آخرت کی یاد تازہ ہوتی ہے۔ اور مردوں کو غسل دیا کرو کیونکہ مرے ہوئے جسم کو نہلانا اور اس کو صاف ستھرا کرنا بہت زبردست نصیحت ہے۔ نماز جنازہ میں شرکت کیا کرو، شاید کہ اس سے تیرے دل پر کوئی غم وارد ہو کیونکہ غمگین دل والا شخص قیامت کے دن اللہ تعالیٰ کے عرش کے سائے میں ہو گا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الرِّقَاقِ/حدیث: 8140]