سیدنا معاذ بن جبل رضی اللہ عنہ نے منبر شریف پر خطبہ دیتے ہوئے فرمایا: رسول اللہ صلی اللہ علیہ وسلم کی حیات مبارکہ میں یوں ہوتا تھا کہ جس آدمی نے اپنے ورثاء میں ایک بیٹی اور ایک بہن چھوڑی ہو تو دونوں کو آدھا آدھا مال دیا جاتا تھا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الْفَرَائِضِ/حدیث: 8211]

سیدنا عبداللہ بن عباس رضی اللہ عنہما روایت کرتے ہیں کہ ایک آدمی فوت ہو گیا، نبی اکرم صلی اللہ علیہ وسلم نے فرمایا: اس کے ورثاء تلاش کرو، اس کا کوئی وارث نہ ملا، صرف وہ آزاد شدہ غلام ملا جس کو اس نے آزاد کیا تھا، رسول اللہ صلی اللہ علیہ وسلم نے فرمایا: یہ مال اسی کو دے دو۔ البتہ حماد بن سلمہ بن عیینہ نے اس کو عمرو بن دینار کے واسطے سے، سیدنا عبداللہ بن عباس رضی اللہ عنہما کے آزاد کردہ غلام عوسجہ کے حوالے سے سیدنا عبداللہ بن عباس رضی اللہ عنہما سے روایت کیا ہے۔ حماد بن سلمہ کی روایت کردہ حدیث کی اسناد درج ذیل ہے: [المستدرك على الصحيحين/كِتَابُ الْفَرَائِضِ/حدیث: 8212]

ابن عیینہ کی روایت کردہ حدیث کی اسناد درج ذیل ہے [المستدرك على الصحيحين/كِتَابُ الْفَرَائِضِ/حدیث: 8213]

عبداللہ بن عباس رضی اللہ عنہما کے آزاد کردہ غلام عوسجہ بیان کرتے ہیں کہ سیدنا عبداللہ بن عباس رضی اللہ عنہما نے فرمایا: رسول اللہ صلی اللہ علیہ وسلم کے زمانے میں ایک آدمی فوت ہوا، اس کا نہ کوئی وارث تھا اور نہ کوئی رشتہ دار، صرف ایک غلام جس کو اس نے آزاد کیا وہ تھا۔ نبی اکرم صلی اللہ علیہ وسلم نے اس کی وراثت اس آزاد شدہ غلام کو دے دی۔ [المستدرك على الصحيحين/كِتَابُ الْفَرَائِضِ/حدیث: 8213M]