ابوسبرہ ہزلی فرماتے ہیں: میں سیدنا عبداللہ بن عمرو رضی اللہ عنہ سے ملا، انہوں نے مجھے نبی اکرم صلی اللہ علیہ وسلم کی ایک حدیث سنائی، میں نے اس کو سمجھا اور اپنے ہاتھ سے اس کو یوں لکھا ” بسم اللہ الرحمن الرحیم، یہ وہ حدیث ہے جو عبداللہ بن عمرو رضی اللہ عنہ مجھے سنائی ہے کہ رسول اللہ صلی اللہ علیہ وسلم نے ارشاد فرمایا: اللہ تعالیٰ بے حیاء کو پسند نہیں کرتا۔ پھر فرمایا: اس ذات کی قسم جس کے قبضہ قدرت میں محمد کی جان ہے، قیامت سے پہلے فحاشی عام ہو جائے گی، پڑوسی برے ہوں گے، قطع رحمی ہو گی، امین کو خائن اور خائن کو امین قرار دیا جائے گا۔ پھر فرمایا: مومن کی مثال کھجور کے درخت جیسی ہے، جس سے کھجوریں گرتی ہیں تو وہ صاف ستھری کھجوریں کھاتا ہے، وہ پھر گرتی ہیں، لیکن نہ وہ خراب ہوتی ہیں، نہ ٹوٹتی ہیں، اور مومن کی مثال اس سرخ سونے کی سی ہے، جس کو آگ میں ڈال کر پھونکیں ماری جائیں، لیکن اس میں کوئی تبدیلی نہ آئے اور نہ اس کا وزن کم ہو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8779]