سیدنا عبداللہ بن عمرو رضی اللہ عنہما فرماتے ہیں: میں نبی اکرم صلی اللہ علیہ وسلم کے پاس بیٹھا ہوا تھا، حضور صلی اللہ علیہ وسلم نے فتنے کا ذکر کیا، اس دوران آپ صلی اللہ علیہ وسلم نے فرمایا: لوگوں کے وعدے خراب ہو جائیں گے، اور امانتیں ہلکی سمجھی جائیں گی، اور لوگ یوں ہو جائیں گے، یہ کہتے ہوئے آپ صلی اللہ علیہ وسلم نے اپنے ایک ہاتھ کی انگلیاں دوسرے ہاتھ میں ڈالیں، میں اٹھ کر حضور صلی اللہ علیہ وسلم کے پاس آیا، اور عرض کی: یا رسول اللہ، اللہ تعالیٰ مجھے آپ پر قربان کرے، اس وقت میں کیا کروں؟ آپ صلی اللہ علیہ وسلم نے فرمایا: اپنی زبان سنبھال کر رکھنا، اپنے گھر میں بیٹھے رہنا، جو پہچانتا ہے، بھلائی کو اپنا لینا، برائی سے بچنا، تو اپنے آپ کو بچانا، لوگوں کا معاملہ ان کے سپرد کر دینا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8813]