سیدنا ابوسعید رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: قیامت کے دن کافر کو اس کے عمل کی وجہ سے شرم دلائی جائے گی، وہ انکار کرے گا اور جھگڑا کرے گا، اس کو کہا جائے گا، تیرے پڑوسی تیرے خلاف گواہی دے رہے ہیں، وہ کہے گا: جھوٹ بول رہے ہیں، پھر اس کو کہا جائے گا: تیرے گھر والے اور تیرے خاندان والے تیرے خلاف گواہی دے رہے ہیں، وہ کہے گا: یہ سب بھی جھوٹ بول رہے ہیں، پھر ان سے کہا جائے گا کہ تم قسم اٹھاؤ، وہ قسم اٹھا لیں گے، پھر اللہ تعالیٰ ان کو خاموش کروا دے گا، اور اس بندے کی زبان اس کے خلاف گواہی دے گی، اور وہ دوزخ میں چلا جائے گا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ: الْأَهْوَالِ/حدیث: 9005]