حضرت مجاہد کپڑے پر لگی ہوئی منی کے بارے میں فرماتے ہیں کہ اسے دھو لو یا اذخر سے صاف کرلو۔ [مصنف ابن ابي شيبه/كتاب الطهارة/حدیث: 931]

حضرت جبیر بن نفیر نے حضرت عائشہ رضی اللہ عنہا کے پاس کسی کو بھیج کر پوچھوایا کہ جس کپڑے پر آدمی بیوی سے جماع کرتا ہے اس پر قرآن مجید کی تلاوت کرسکتا ہے؟ فرمایا اس میں کیا رکاوٹ ہے۔ اگر کوئی چیز ہے تو اسے دھو لو اور چاہو تو کھرچ لو اور اگر تمہیں شک ہو تو پانی چھڑک لو۔ [مصنف ابن ابي شيبه/كتاب الطهارة/حدیث: 932]

ایک آدمی نے حضرت عمر سے سوال کیا کہ مجھے کپڑے پر احتلام ہوگیا اب میں کیا کروں؟ فرمایا اگر وہ تر ہو تو دھو لو اگر خشک ہو تو کھرچ لو اور اگر نشان پوشیدہ ہوجائے تو اس پر پانی چھڑک لو۔ [مصنف ابن ابي شيبه/كتاب الطهارة/حدیث: 933]

حضرت عائشہ رضی اللہ عنہا فرماتی ہیں کہ نبی کریم صلی اللہ علیہ وآلہ وسلم نے ارشاد فرمایا کہ جب آدمی اپنی بیوی کے ساتھ جماع کے ارادے سے بیٹھے اور دونوں کی شرمگاہیں مل جائیں تو غسل واجب ہوجاتا ہے۔ [مصنف ابن ابي شيبه/كتاب الطهارة/حدیث: 934]

حضرت عائشہ رضی اللہ عنہا فرماتی ہیں کہ جب شرمگاہیں مل جائیں تو غسل واجب ہوجاتا ہے۔ اگر میرے اور نبی صلی اللہ علیہ وآلہ وسلم کے ساتھ ایسا ہوتا تو ہم غسل کیا کرتے تھے۔ [مصنف ابن ابي شيبه/كتاب الطهارة/حدیث: 935]

حضرت ابوہریرہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا کہ جب آدمی اپنی بیوی سے جماع کے ارادے سے بیٹھے اور زور لگائے تو غسل واجب ہوگیا۔ [مصنف ابن ابي شيبه/كتاب الطهارة/حدیث: 936]

حضرت ابوہریرہ فرماتے ہیں (یونس کہتے ہیں کہ میرے علم کے مطابق انہوں نے اسے رسول اللہ صلی اللہ علیہ وآلہ وسلم ہی سے بیان کیا) کہ آدمی جب اپنی بیوی کے ساتھ جماع کے ارادے سے بیٹھ جائے اور زور لگائے تو غسل واجب ہوگیا۔ انزال ہو یا نہ ہو۔ [مصنف ابن ابي شيبه/كتاب الطهارة/حدیث: 937]

حضرت علی رضی اللہ عنہ فرماتے ہیں کہ جب شرمگاہیں مل جائیں تو غسل واجب ہوگیا۔ [مصنف ابن ابي شيبه/كتاب الطهارة/حدیث: 938]

حضرت عمر فرماتے ہیں کہ جب آدمی اپنی بیوی سے شرم گاہ ملا لے تو غسل واجب ہوگیا۔ [مصنف ابن ابي شيبه/كتاب الطهارة/حدیث: 939]

حضرت عائشہ رضی اللہ عنہا فرماتی ہیں کہ جب شرم گاہیں مل جائیں تو غسل واجب ہوگیا۔ [مصنف ابن ابي شيبه/كتاب الطهارة/حدیث: 940]