حضرت اسود اور حضرت علقمہ جمعہ کے دن سفر میں غسل کیا کرتے تھے۔ [مصنف ابن ابي شيبه/كتاب الجمعة/حدیث: 5131]

ایاس بن معاویہ رحمہ اللہ سے روایت ہے، انہوں نے فرمایا: ”غسل محض اسی شخص پر لازم ہے جو جمعہ کی نماز میں حاضر ہو۔“ [مصنف ابن ابي شيبه/كتاب الجمعة/حدیث: 5132]

عقبہ بن ابی جسرہ سے روایت ہے، انہوں نے کہا کہ میں نے اسحاق بن عبداللہ بن حارث سے جمعہ کے دن غسل کرنے کے متعلق دریافت کیا تو انہوں نے بتایا: ”عبداللہ بن حارث سفر اور حضر (گھر پر موجودگی) دونوں حالتوں میں جمعہ کے دن غسل کیا کرتے تھے۔“ [مصنف ابن ابي شيبه/كتاب الجمعة/حدیث: 5133]

حضرت عبد اللہ بن معدان کہتے ہیں کہ میں نے حضرت حبیب کو سنا جبکہ ایک آدمی نے ان سے جمعہ کے دن غسل کے بارے میں سوال کیا کہ کیا یہ واجب ہے؟ انہوں نے فرمایا کہ میں نے حضرت طلق کو دیکھا کہ مکہ سے قیدی بنا کر حجاج کے پاس لائے گئے، انہوں نے اس حالت میں بھی جمعہ کا غسل نہیں چھوڑا۔ [مصنف ابن ابي شيبه/كتاب الجمعة/حدیث: 5134]

جابر رحمہ اللہ ابوجعفر رحمہ اللہ سے روایت کرتے ہیں کہ وہ دورانِ سفر بھی ہر جمعہ کے دن غسل کیا کرتے تھے۔ [مصنف ابن ابي شيبه/كتاب الجمعة/حدیث: 5135]

حضرت زیاد بن حدیر کہتے ہیں کہ میں نے ایک سفر میں جمعہ کے دن حضرت طلحہ کے لئے پردہ کیا اور انہوں نے غسل کیا۔ [مصنف ابن ابي شيبه/كتاب الجمعة/حدیث: 5136]

منصور، مجاہد سے روایت کرتے ہیں، انہوں نے کہا: ”جب کوئی شخص جمعہ کے دن طلوعِ فجر کے بعد جنابت کا غسل کر لے، تو وہ اسے جمعہ کے غسل کی طرف سے بھی کافی ہو جائے گا۔“ [مصنف ابن ابي شيبه/كتاب الجمعة/حدیث: 5137]

0 [مصنف ابن ابي شيبه/كتاب الجمعة/حدیث: 5138]

ابراہیم سے بھی یونہی منقول ہے۔ [مصنف ابن ابي شيبه/كتاب الجمعة/حدیث: 5139]

حضرت عطاء سے منقول ہے کہ ان حضرات نے فرمایا کہ اگر آدمی نے جمعہ کے دن طلوع فجر کے بعد غسل کرلیا تو یہ اس کے لئے جمعہ کے غسل کی طرف سے کافی ہے۔ [مصنف ابن ابي شيبه/كتاب الجمعة/حدیث: 5140]