حضرت عطاء اور ابراہیم فرماتے ہیں کہ اس سے مراد دعا ہے۔ [مصنف ابن ابي شيبه/كتاب صلاة التطوع والإمامة/حدیث: 8303]

حضرت سعید بن جبیر فرماتے ہیں کہ اس سے مراد قرآن کی تلاوت ہے۔ [مصنف ابن ابي شيبه/كتاب صلاة التطوع والإمامة/حدیث: 8304]

حضرت ابو عیاض اللہ تعالیٰ کے فرمان { وَلاَ تَجْہَرْ بِصَلاَتِکَ وَلاَ تُخَافِتْ بِہَا } کے بارے میں فرماتے ہیں کہ اس سے مراد دعا ہے۔ [مصنف ابن ابي شيبه/كتاب صلاة التطوع والإمامة/حدیث: 8305]

حضرت سعیدبن جبیر فرماتے ہیں کہ جب نبی صلی اللہ علیہ وآلہ وسلم قراءت فرماتے تو آواز کو اونچا کرتے، اس سے مسلمان خوش ہوتے اور کفار کو برا لگتا، اس پر یہ آیت نازل ہوئی { وَلاَ تَجْہَرْ بِصَلاَتِکَ وَلاَ تُخَافِتْ بِہَا } [مصنف ابن ابي شيبه/كتاب صلاة التطوع والإمامة/حدیث: 8306]

حضرت عبداللہ فرماتے ہیں کہ جس نے (قراءت کرتے ہوئے) اپنے کانوں کو سنا دیا اس نے آہستہ (بے آواز) نہیں پڑھا۔ [مصنف ابن ابي شيبه/كتاب صلاة التطوع والإمامة/حدیث: 8307]

حضرت ابن سیرین فرماتے ہیں کہ میں نے حضرت عبیدہ سے قراءت کے بارے میں سوال کیا تو انہوں نے فرمایا کہ اپنے آپ کو سناؤ۔ [مصنف ابن ابي شيبه/كتاب صلاة التطوع والإمامة/حدیث: 8308]

حسن دن کی نمازوں کی قراءت کے بارے میں فرماتے ہیں کہ اپنے آپ کو سناؤ۔ [مصنف ابن ابي شيبه/كتاب صلاة التطوع والإمامة/حدیث: 8309]

حضرت ابو عیاض فرماتے ہیں کہ نبی صلی اللہ علیہ وآلہ وسلم جب بیت اللہ کے پاس نماز پڑھتے تو اپنی آواز کو بلند فرماتے، جس پر مشرکین ان کو تکلیف دیا کرتے تھے، اس پر یہ آیت نازل ہوئی { وَلاَ تَجْہَرْ بِصَلاَتِکَ وَلاَ تُخَافِتْ بِہَا } [مصنف ابن ابي شيبه/كتاب صلاة التطوع والإمامة/حدیث: 8310]

حضرت ابن عباس رضی اللہ عنہما اللہ تعالیٰ کے فرمان { وَلاَ تَجْہَرْ بِصَلاَتِکَ وَلاَ تُخَافِتْ بِہَا } کے بارے میں فرماتے ہیں کہ اس سے مراد دعا ہے۔ [مصنف ابن ابي شيبه/كتاب صلاة التطوع والإمامة/حدیث: 8311]

حضرت مجاہد اللہ تعالیٰ کے فرمان { وَلاَ تَجْہَرْ بِصَلاَتِکَ وَلاَ تُخَافِتْ بِہَا } کے بارے میں فرماتے ہیں کہ اس سے مراد دعا ہے۔ [مصنف ابن ابي شيبه/كتاب صلاة التطوع والإمامة/حدیث: 8312]