حضرت حسن فرماتے ہیں کہ کھجور کے درخت اور جانوروں پر زکوٰۃ لی جائے گی باقی رہا یتیم کا مال تو اس پر تب تک زکوٰۃ نہیں ہے جب تک وہ بالغ نہ ہوجائے۔ [مصنف ابن ابي شيبه/كتاب الزكاة/حدیث: 10414]

حضرت عاصم سے مروی ہے کہ حضرت ابو وائل فرماتے ہیں کہ میری پرورش میں ایک یتیم تھا اس کی ملکیت میں آٹھ ہزار (درھم یا دینار) تھے میں نے اس کی زکوٰۃ نہ دی یہاں تک کہ وہ بالغ ہوگیا تو میں نے مال اسکو واپس کردیا۔ [مصنف ابن ابي شيبه/كتاب الزكاة/حدیث: 10415]

حضرت عبد الرحمن بن السائب سے مروی ہے کہ حضرت عبد اللہ بن عمر رضی اللہ عنہما کے پاس یتیم کا مال تھا، انہوں نے وہ مال خود ادھار لے لیا تاکہ اس کی زکوٰۃ ادا نہ کریں۔ [مصنف ابن ابي شيبه/كتاب الزكاة/حدیث: 10416]

حضرت عراک فرماتے ہیں کہ میں نے حضرت ابو ہریرہ رضی اللہ عنہ سے سنا وہ فرماتے ہیں کہ نبی اکرم (صلی اللہ علیہ وآلہ وسلم) نے ارشاد فرمایا: مسلمان پر اس کے غلام اور گھوڑے کی زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10417]

حضرت ابو ہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے ارشاد فرمایا: مسلمان پر اس کے غلام اور اس کے گھوڑے میں زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10418]

حضرت ابوہریرہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا مسلمان پر اس کے گھوڑے اور اس کے غلام کی زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10419]

حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: مسلمان پر اس کے غلام، اس کے گھوڑے اور اس کی باندی کی زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10420]

حضرت علی رضی اللہ عنہ سے مرفوعا مروی ہے نبی کریم صلی اللہ علیہ وآلہ وسلم نے ارشاد فرمایا: تحقیق تمہیں گھوڑوں اور غلام کی زکوٰۃ معاف کردی گئی ہے۔ [مصنف ابن ابي شيبه/كتاب الزكاة/حدیث: 10421]

حضرت علی رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: گھوڑوں اور غلاموں کی زکوٰۃ معاف کردی گئی ہے۔ [مصنف ابن ابي شيبه/كتاب الزكاة/حدیث: 10422]

حضرت شبیل بن عوف انہوں نے جاہلیت کا زمانہ پایا تھا فرماتے ہیں کہ حضرت عمر نے لوگوں کو زکوٰۃ ادا کرنے کا حکم فرمایا: تو لوگوں نے عرض کیا اے امیر المؤمنین ھمارے پاس گھوڑے اور غلام بھی ہیں آپ ھمارے لئے ان پر دس دس فرض فرما دیجئے آپ نے فرمایا کہ مں ی تم پر فرض نہیں کرسکتا۔ [مصنف ابن ابي شيبه/كتاب الزكاة/حدیث: 10423]