حضرت سعید بن مسیب فرماتے ہیں کہ غلام کے مال پر زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10524]

حضرت حسن فرماتے ہیں کہ غلام اور اس کا مال آقا کی ملکیت ہے۔ آقا پر زکوٰۃ ہے غلام پر زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10525]

حضرت مجاہد فرماتے ہیں کہ غلام کے مال پر زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10526]

حضرت جابر فرماتے ہیں کہ غلام کے مال پر زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10527]

حضرت عطاء فرماتے ہیں کہ غلام کے مال پر زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10528]

حضرت عکرمہ سے پوچھا گیا کہ کیا غلام پر زکوٰۃ ہے؟ آپ نے (بطور تعجب کے) فرمایا کیا اس پر نماز فرض ہے؟ (جب نماز فرض ہے تو زکوٰۃ بھی فرض ہے)۔ [مصنف ابن ابي شيبه/كتاب الزكاة/حدیث: 10529]

حضرت ابن طاؤس اپنے والد (حضرت طاؤس) سے روایت کرتے ہیں کہ غلام کے مال پر زکوٰۃ ہے۔ [مصنف ابن ابي شيبه/كتاب الزكاة/حدیث: 10530]

حضرت جابر الحذائ فرماتے ہیں کہ میں نے حضرت عبد اللہ بن عمر رضی اللہ عنہما سے پوچھا کہ کیا غلام کے مال پر زکوٰۃ ہے؟ آپ نے دریافت فرمایا: کیا وہ مسلمان ہے؟ میں نے عرض کیا: جی ہاں، آپ نے ارشاد فرمایا: دو سو درہموں پر پانچ درہم زکوٰۃ واجب ہے۔ [مصنف ابن ابي شيبه/كتاب الزكاة/حدیث: 10531]

حضرت حکم فرماتے ہیں کہ حضرت علی رضی اللہ عنہ سے پوچھا گیا کہ ایک شخص کا دوسرے شخص کے ذمہ قرض ہے (تو زکوٰۃ کا کیا حکم ہے؟) آپ نے فرمایا جس کا مال ہے وہ زکوٰۃ ادا کرے گا۔ اگر وہ مال ہلاک ہونے لگے اور اسکو خوف ہو کہ وہ ادا نہ کیا جائے گا تو اسکو (زکوٰۃ کی ادائیگی میں) مہلت ہے، جب وہ مال نکل آئے تو جتنا عرصہ گذر گیا ہے اس کی زکوٰۃ ادا کر دے۔ [مصنف ابن ابي شيبه/كتاب الزكاة/حدیث: 10532]

حضرت محمد فرماتے ہیں کہ مجھے خبر دی گئی کہ حضرت علی رضی اللہ عنہ یہ بھی ارشاد فرماتے ہیں کہ جب وہ مدیون سچا ہو تو جب دین پر قبضہ کرلے تو زکوٰۃ ادا کرے۔ [مصنف ابن ابي شيبه/كتاب الزكاة/حدیث: 10533]