حضرت حمید سے مروی ہے کہ حضرت عمر بن عبد العزیز نے (اپنے عمال کو) لکھا کہ: جس شخص کو (دوران سال) مال ملے اس پر زکوٰۃ نہیں ہے جب تک کہ اس مال پر پورا سال نہ گذر جائے۔ [مصنف ابن ابي شيبه/كتاب الزكاة/حدیث: 10504]

حضرت سالم فرماتے ہیں کہ مال پر زکوٰۃ نہیں کہ جب تک کہ اس پر سال نہ گذر جائے۔ [مصنف ابن ابي شيبه/كتاب الزكاة/حدیث: 10505]

حضرت حسن فرماتے ہیں کہ مال پر زکوٰۃ نہیں کہ جب تک کہ اس پر سال نہ گذر جائے۔ [مصنف ابن ابي شيبه/كتاب الزكاة/حدیث: 10506]

حضرت ابراہیم فرماتے ہیں کہ مال پر زکوٰۃ نہیں کہ جب تک کہ اس پر سال نہ گذر جائے۔ [مصنف ابن ابي شيبه/كتاب الزكاة/حدیث: 10507]

حضرت عائشہ رضی اللہ عنہا فرماتی ہیں کہ مال پر زکوٰۃ نہیں کہ جب تک کہ اس پر سال نہ گذر جائے۔ [مصنف ابن ابي شيبه/كتاب الزكاة/حدیث: 10508]

حضرت ابو جعفر فرماتے ہیں کہ مال پر زکوٰۃ نہیں کہ جب تک کہ اس پر سال نہ گذر جائے۔ [مصنف ابن ابي شيبه/كتاب الزكاة/حدیث: 10509]

حضرت نافع سے مروی ہے کہ حضرت عبد اللہ بن عمر رضی اللہ عنہما ارشاد فرماتے ہیں کہ مال پر اس وقت تک زکوٰۃ نہیں ہے جب تک کہ اس پر پورا سال نہ گذر جائے جس وقت سے کہ اس پر نفع ہوا ہے (کچھ مال کا اضافہ ہوا ہے)۔ [مصنف ابن ابي شيبه/كتاب الزكاة/حدیث: 10510]

حضرت مکحول فرماتے ہیں کہ جب کسی شخص کا کوئی مہینہ مقرر ہو جس میں وہ زکوٰۃ ادا کرتا ہے، پھر اس کو کچھ مال ملے اور وہ اس کو خرچ کر دے تو جو مال اس نے خرچ کیا ہے اس پر زکوٰۃ نہیں ہے۔ لیکن جو مال اس مہینے تک باقی رہے جس میں وہ اپنے مال کی زکوٰۃ ادا کرتا ہے تو اس پر زکوٰۃ ادا کرنی پڑے گی۔ اور اگر اس کا کوئی مہینہ مقرر نہ ہو جس میں وہ زکوٰۃ ادا کرتا ہو اور اس کو کچھ مال ملے تو جس وقت اس کو فائدہ ہوا اسی وقت اس پر زکوٰۃ ادا کرنا پڑے گی۔ (اس پر سال گذرنا شرط نہیں ہے)۔ [مصنف ابن ابي شيبه/كتاب الزكاة/حدیث: 10511]

حضرت عکرمہ فرماتے ہیں کہ حضرت ابن عباس رضی اللہ عنہما سے سوال کیا گیا کہ کسی آدمی کو کچھ مال ملتا ہے (دوران سال اس پر زکوٰۃ ہے کہ نہیں؟) آپ نے فرمایا جس وقت اس کو فائدہ ہو اسی وقت زکوٰۃ ہے۔ [مصنف ابن ابي شيبه/كتاب الزكاة/حدیث: 10512]

حضرت امام زہری ارشاد فرماتے ہیں کہ جب کسی شخص کو مال ملے اور جس مہینے وہ زکوٰۃ ادا کرتا ہے اس سے قبل ہی اس مال کو خرچ کرنے کا ارادہ رکھتا ہو تو اس کو چاہئے کہ پہلے اس کی زکوٰۃ ادا کر دے پھر خرچ کرے اور اگر زکوٰۃ کے مہینے سے قبل خرچ کرنے کا ارادہ نہ ہو تو اس مال کو اپنے مال کے ساتھ ملا کر اکٹھے ہی وقت پر زکوٰۃ ادا کرے۔ (اس مال پر سال گزرنے کا انتظار نہ کرے)۔ [مصنف ابن ابي شيبه/كتاب الزكاة/حدیث: 10513]