حضرت ابن طاؤس اپنے والد (حضرت طاؤس) سے روایت کرتے ہیں کہ وہ اپنی زمین میں کام کرنے والے غلاموں کی جانب سے بھی صدقۃ الفطر ادا فرمایا کرتے تھے۔ [مصنف ابن ابي شيبه/كتاب الزكاة/حدیث: 10674]

حضر ابن جریج فرماتے ہیں کہ میں نے حضرت عطاء سے دریافت فرمایا کہ وہ غلام جو مویشیوں کے پاس ہوں اور وہ غلام جو کھیتی میں ہوں کیا ان کی جانب سے بھی صدقۃ الفطر ہے؟ آپ نے فرمایا کہ نہیں۔ [مصنف ابن ابي شيبه/كتاب الزكاة/حدیث: 10675]

حضرت ابو العالیہ، حضرت امام شعبی اور حضرت ابن سیرین فرماتے ہیں کہ: صدقۃ الفطر ہر حاضر اور غائب کی جانب سے ہے۔ [مصنف ابن ابي شيبه/كتاب الزكاة/حدیث: 10676]

حضرت امیہ بن عبد اللہ فرماتے ہیں کہ حضرت نافع بن علقمہ نے عبد الملک بن مروان کو لکھا کہ کیا جو غلام باغ میں (کام کرتا ہو) اور جو غلام مویشوں کے ساتھ ہو اس پر بھی صدقۃ الفطر ہے؟ آپ نے فرمایا کہ نہیں۔ کیونکہ وہ غلام جو باغ میں ہو یا مویشوں کے ساتھ ہو تو نے ان کی زکوٰۃ تو ادا کر ہی دی ہے اس لیے اس پر صدقۃ الفطر نہیں ہے۔ [مصنف ابن ابي شيبه/كتاب الزكاة/حدیث: 10677]

حضرت نافع فرماتے ہیں کہ حضرت عبد اللہ بن عمر رضی اللہ عنہما کے دو مکاتب غلام تھے آپ ان کا صدقۃ الفطر نہ ادا فرماتے تھے۔ [مصنف ابن ابي شيبه/كتاب الزكاة/حدیث: 10678]

حضرت عمرو سے مروی ہے کہ حضرت حسن مکاتب پر صدقۃ الفطر ادا کرنا ضروری سمجھتے تھے۔ [مصنف ابن ابي شيبه/كتاب الزكاة/حدیث: 10679]

حضرت جعفر بن برقان فرماتے ہیں کہ مجھے یہ خبر معلوم ہوئی ہے کہ حضرت میمون مکاتب کی جانب سے صدقۃ الفطر ادا فرمایا کرتے تھے۔ [مصنف ابن ابي شيبه/كتاب الزكاة/حدیث: 10680]

حضرت عطاء فرماتے ہیں کہ اگر مکاتب نے اپنی طرف سے (صدقۃ الفطر) ادا کر دیا ہو تو وہ اپنی طرف سے کافی ہو گیا۔ اور اگر اس نے اپنی طرف سے ادا نہ کیا ہو تو پھر آقا اس کی جانب سے صدقۃ الفطر ادا کرے گا۔ [مصنف ابن ابي شيبه/كتاب الزكاة/حدیث: 10681]

حضرت نافع فرماتے ہیں کہ حضرت عبد اللہ بن عمر رضی اللہ عنہما مکاتب پر صدقۃ الفطر کو ضروری نہ سمجھتے تھے۔ [مصنف ابن ابي شيبه/كتاب الزكاة/حدیث: 10682]

حضرت مکحول فرماتے ہیں کہ ہر قوم مدینہ منورہ کے صاع سے صدقۃ الفطر ادا کرے گی۔ [مصنف ابن ابي شيبه/كتاب الزكاة/حدیث: 10683]