حضرت عمر سے اسی کے مثل منقول ہے۔ [مصنف ابن ابي شيبه/كتاب الجنائز/حدیث: 11881]

حضرت طلحہ الیامی فرماتے ہیں کہ کہا جاتا تھا: دو آدمی امیر نہ ہوتے ہوئے بھی امیر ہیں۔ جنازہ امیر ہے اس شخص کا جو اس کی اتباع کرے اور حاجن عورت اپنے ساتھیوں پر جب وہ حائضہ ہوجائے۔ [مصنف ابن ابي شيبه/كتاب الجنائز/حدیث: 11882]

حضرت داؤد بن ابی القصاف فرماتے ہیں کہ میں حضرت ابو قلابہ کے ساتھ ایک جنازے میں تھا، جب آپ نے نماز پڑھی آپ واپس لوٹ گئے، میں نے ان سے عرض کیا اجازت سے پہلے ہی آپ واپس جارہے ہیں؟ آپ نے فرمایا کیا وہ ہم پر حکمران (اور مسلط) ہیں؟۔ [مصنف ابن ابي شيبه/كتاب الجنائز/حدیث: 11883]

حضرت ابو داؤد الطیالسی فرماتے ہیں کہ میں نے حضرت ابو عقیل سے دریافت کیا کیا جو شخص جنازے کے ساتھ ہو اس پر (واپس جانے کے لیے) اجازت لینا ضروری ہے؟ آپ نے فرمایا نہیں، لیکن آدمی کی حیا میں یہ بات داخل ہے کہ وہ اجازت کے بغیر نہ لوٹے۔ [مصنف ابن ابي شيبه/كتاب الجنائز/حدیث: 11884]

حضرت ابو ہریرہ رضی اللہ عنہ فرماتے ہیں دو امیر ایسے ہیں جو حقیقت میں امیر نہیں ایک وہ عورت جو کسی جماعت کے ساتھ حج یا عمرہ کے لیے جائے اور وہ حائضہ ہوجائے اب وہ جماعت اس وقت کوچ نہیں کرسکتی جب تک وہ پاک نہ ہوجائے اور انہیں چلے جانے کی اجازت نہ دے دے۔ اور دوسرا وہ آدمی جو کسی جنازے کے ساتھ چلا جائے اب وہ اس وقت تک واپس نہیں جاسکتا جب تک کہ اس کو اجازت نہ مل جائے یا جب تک میت کو دفن نہ کردیا جائے۔ [مصنف ابن ابي شيبه/كتاب الجنائز/حدیث: 11885]

حضرت حبیب ابو محمد فرماتے ہیں کہ میں حسن کے ساتھ ایک جنازے میں تھا، پھر جب لوگوں کو اجازت دی گئی تو میں نے حسن سے کہا اجازت دے دی گئی ہے۔ حسن نے فرمایا کیا ہمارے لئے اذن (ضروری) ہے؟ [مصنف ابن ابي شيبه/كتاب الجنائز/حدیث: 11886]

حضرت جابر فرماتے ہیں کہ جنازے کے ساتھ چلے جتنا اس کے لیے ظاہر ہو (گنجائش ہو) اور واپس لوٹ جائے جب اس کے لیے ظاہر ہوجائے۔ [مصنف ابن ابي شيبه/كتاب الجنائز/حدیث: 11887]

حضرت حسن سے اسی کے مثل منقول ہے۔ [مصنف ابن ابي شيبه/كتاب الجنائز/حدیث: 11888]

حضرت ابو ہریرہ رضی اللہ عنہ فرماتے ہیں کہ دو آدمی امیر نہ ہونے کے باوجود بھی امیر ہیں، کوئی شخص نماز جنازہ ادا کرے تو وہ میت کے گھر والوں کی اجازت کے بغیر واپس نہ لوٹے، اور کوئی عورت (حج کے سفر میں) ہے اور اس کو طواف سے پہلے یوم النحر میں حیض آجائے، تو ان کے لیے اس عورت کی اجازت کے بغیر نکلنا جائز نہیں ہے۔ [مصنف ابن ابي شيبه/كتاب الجنائز/حدیث: 11889]

حضرت سمرہ بن جندب سے مروی ہے کہ نبی کریم صلی اللہ علیہ وآلہ وسلم نے ایک عورت کا جنازہ پڑھایا تو آپ صلی اللہ علیہ وآلہ وسلم اس کے درمیان میں کھڑے ہوئے۔ [مصنف ابن ابي شيبه/كتاب الجنائز/حدیث: 11890]