حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وآلہ وسلم نے جب رکاب میں پاؤں مبارک رکھتے اور سواری آپ صلی اللہ علیہ وآلہ وسلم کو لے کر چلتی آپ صلی اللہ علیہ وآلہ وسلم نے مقام ذوالحلیفہ سے تلبیہ پڑھتے۔ [مصنف ابن ابي شيبه/كتاب الحج/حدیث: 16011]

حضرت حسن رات میں رمی کرنے کو ناپسند فرماتے تھے۔ [مصنف ابن ابي شيبه/كتاب الحج/حدیث: 16012]

حضرت عروہ رات میں رمی کرنے کو ناپسند سمجھتے تھے۔ [مصنف ابن ابي شيبه/كتاب الحج/حدیث: 16013]

حضرت نافع سے مروی ہے کہ حضرت ام سلمہ بنت المختار حضرت عبد اللہ بن عمر رضی اللہ عنہما کے صاحبزادے کی اہلیہ تھیں، انہوں نے مزدلفہ میں بچہ جنا، حضرت صفیہ ان کے ساتھ وہ رات اور اگلے دن کی رات وہاں پیچھے ہی رکی رہیں، پھر وہ دونوں رات کو منیٰ آئیں اور رمی کی، حضرت عبد اللہ بن عمر رضی اللہ عنہما نے ان کے اس عمل پر کوئی نکیر نہ فرمائی اور نہ ہی ان کو کسی چیز کے قضا کرنے کا حکم فرمایا۔ [مصنف ابن ابي شيبه/كتاب الحج/حدیث: 16014]

حضرت حسن فرماتے ہیں کہ رات کو رمی جمار نہیں کی جائے گی۔ [مصنف ابن ابي شيبه/كتاب الحج/حدیث: 16015]

حضرت ابن سابط سے مروی ہے کہ صحابہ کرام حج کے لیے تشریف لاتے اور اپنی سواریوں کو چرنے کے لیے چھوڑ دیتے پھر تشریف لاتے اور رات میں رمی کرتے۔ [مصنف ابن ابي شيبه/كتاب الحج/حدیث: 16016]

حضرت عمرو سے مروی ہے کہ مجھے اس شخص نے خبر دی جس نے ازواج مطہرات میں سے بعض کو مغرب کے وقت رمی کرتے ہوئے دیکھا، خواہ سورج غروب ہوچکا ہو یا ابھی غروب نہ ہوا ہو۔ [مصنف ابن ابي شيبه/كتاب الحج/حدیث: 16017]

حضرت عطاء اور حضرت طاؤس فرماتے ہیں کہ کرایہ پر جانور دینے والا چرواہا نہ پائے، اور آدمی بھول جائے تو یہ دونوں رات میں رمی کرسکتے ہیں۔ [مصنف ابن ابي شيبه/كتاب الحج/حدیث: 16018]

حضرت زہری فرماتے ہیں کہ چرواہے رات میں رمی کرتے تھے اور رات وہاں نہیں گزارتے تھے۔ [مصنف ابن ابي شيبه/كتاب الحج/حدیث: 16019]

حضرت جابر سے مروی ہے کہ نبی کریم صلی اللہ علیہ وآلہ وسلم مزدلفہ میں ہی ٹھہرے رہے یہاں تک کافی روشنی ہوگئی، پھر آپ صلی اللہ علیہ وآلہ وسلم سورج طلوع ہونے سے پہلے ہی مزدلفہ سے نکل گئے۔ [مصنف ابن ابي شيبه/كتاب الحج/حدیث: 16020]