حضرت ابو الجویریہ فرماتے ہیں کہ میں نے حضرت اسود کو باجمیری سے احرام باندھتے ہوئے دیکھا جو سواد (عراق) کی بستیوں میں سے ایک بستی ہے۔ [مصنف ابن ابي شيبه/كتاب الحج/حدیث: 13110]

حضرت اسماعیل بن ابی خالد فرماتے ہیں کہ میں نے حضرت اسود کو کوفہ سے احرام باندھتے ہوئے دیکھا۔ [مصنف ابن ابي شيبه/كتاب الحج/حدیث: 13111]

حضرت مکحول فرماتے ہیں کہ میں نے حضرت ابن عمر رضی اللہ عنہما سے دریافت کیا ایک شخص سمرقند، بصرہ اور کوفہ سے احرام باندھتا ہے؟ آپ نے فرمایا: اے کاش کہ ہم لوگ جو میقات مقرر کیا گیا ہے اس کی پابندی کریں۔ [مصنف ابن ابي شيبه/كتاب الحج/حدیث: 13112]

حضرت ابو عمیس فرماتے ہیں کہ میں حضرت قاسم کے ساتھ نکلا آپ نے مقام ربذہ سے احرام باندھا۔ [مصنف ابن ابي شيبه/كتاب الحج/حدیث: 13113]

حضرت ابن ابی لیلیٰ فرماتے ہیں کہ حضرت علی رضی اللہ عنہ نے مدینہ سے احرام باندھا۔ [مصنف ابن ابي شيبه/كتاب الحج/حدیث: 13114]

حضرت اشعث بن ابو الشعثائ فرماتے ہیں کہ میں نے حضرت حارث بن سوید التیمی اور حضرت عمرو بن میمون کو کوفہ سے احرام باندھتے ہوئے دیکھا۔ [مصنف ابن ابي شيبه/كتاب الحج/حدیث: 13115]

حضرت عبد اللہ بن سلمہ فرماتے ہیں کہ حضرت علی رضی اللہ عنہ سے اللہ تعالیٰ کے اس فرمان کے بارے میں دریافت کیا گیا: { وَأَتِمُّوا الْحَجَّ وَالْعُمْرَةَ لِلَّهِ } [البقرة: 196] ، تو آپ نے فرمایا: یہ کہ تم اپنے گھر کی دہلیز سے احرام باندھو۔ [مصنف ابن ابي شيبه/كتاب الحج/حدیث: 13116]

حضرت طاؤس فرماتے ہیں ان کے اتمام سے مراد ان دونوں کا جدا جدا (اکیلے اکیلے) اپنے گھر سے (احرام باندھ کر) شروع کرنا ہے۔ [مصنف ابن ابي شيبه/كتاب الحج/حدیث: 13117]

حضرت ابن عباس رضی اللہ عنہما نے سخت سردی کے موسم میں شام سے احرام باندھا۔ [مصنف ابن ابي شيبه/كتاب الحج/حدیث: 13118]

حضرت ام سلمہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: جو شخص عمرہ کے لیے بیت المقدس سے (احرام باندھ کر) تلبیہ پڑھے اس کی مغفرت کردی جاتی ہے۔ [مصنف ابن ابي شيبه/كتاب الحج/حدیث: 13119]