حضرت علی رضی اللہ عنہ فرماتے ہیں کہ اس عورت سے شادی نہ کرو جسے تمہارے بھائی کی بیوی نے دودھ پلایا ہو، نہ اس سے جسے تمہارے باپ کی بیوی نے دودھ پلایا ہو اور نہ اس سے جسے تمہارے بیٹے کی بیوی نے دودھ پلایا ہو۔ [مصنف ابن ابي شيبه/كتاب النكاح/حدیث: 17920]

حضرت ابن عباس رضی اللہ عنہما فرماتے ہیں کہ جو رشتے نسب سے حرام ہوتے ہیں رضاعت سے بھی حرام ہوجاتے ہیں۔ [مصنف ابن ابي شيبه/كتاب النكاح/حدیث: 17921]

حضرت ابراہیم فرماتے ہیں کہ جو رشتے نسب سے حرام ہوتے ہیں رضاعت سے بھی حرام ہوجاتے ہیں۔ [مصنف ابن ابي شيبه/كتاب النكاح/حدیث: 17922]

حضرت عبد اللہ رضی اللہ عنہ فرماتے ہیں کہ جو رشتے نسب سے حرام ہوتے ہیں رضاعت سے بھی حرام ہوجاتے ہیں۔ [مصنف ابن ابي شيبه/كتاب النكاح/حدیث: 17923]

حضرت عائشہ رضی اللہ عنہا سے روایت ہے کہ حضور صلی اللہ علیہ وسلم نے فرمایا کہ جو رشتے نسب سے حرام ہوتے ہیں رضاعت سے بھی حرام ہوجاتے ہیں۔ [مصنف ابن ابي شيبه/كتاب النكاح/حدیث: 17924]

حضرت سوید بن غفلہ فرماتے ہیں کہ جو رشتے نسب سے حرام ہوتے ہیں رضاعت سے بھی حرام ہوجاتے ہیں۔ [مصنف ابن ابي شيبه/كتاب النكاح/حدیث: 17925]

حضرت براء فرماتے ہیں کہ حضور صلی اللہ علیہ وسلم سے عرض کیا گیا کہ آپ حضرت حمزہ رضی اللہ عنہ کی بیٹی سے نکاح کرلیں۔ آپ نے فرمایا کہ وہ میرے لئے حلال نہیں۔ وہ میری رضاعی بھتیجی ہے۔ [مصنف ابن ابي شيبه/كتاب النكاح/حدیث: 17926]

حضرت عبد اللہ بن مسعود رضی اللہ عنہ فرماتے ہیں کہ صرف اس بچے کے دودھ پینے سے رضاعت ثابت ہوتی ہے جس کی عمر دو سال سے کم ہو۔ [مصنف ابن ابي شيبه/كتاب النكاح/حدیث: 17927]

حضرت عبد اللہ بن مسعود رضی اللہ عنہ فرماتے ہیں کہ صرف اس بچے کے دودھ پینے سے رضاعت ثابت ہوتی ہے جس کی عمر دو سال سے کم ہو۔ [مصنف ابن ابي شيبه/كتاب النكاح/حدیث: 17928]

حضرت علی رضی اللہ عنہ فرماتے ہیں کہ صرف اس بچے کے دودھ پینے سے رضاعت ثابت ہوتی ہے جس کی عمر دو سال سے کم ہو۔ [مصنف ابن ابي شيبه/كتاب النكاح/حدیث: 17929]