حضرت مسروق رحمہ اللہ فرماتے ہیں کہ اگر کوئی شخص مرض الموت میں بیوی کے لئے مہر کا اقرار کرے تو یہ درست نہیں۔ [مصنف ابن ابي شيبه/كتاب النكاح/حدیث: 18440]

حضرت مسروق رحمہ اللہ نے ایسے اقرار کو درست قرار دیا۔ [مصنف ابن ابي شيبه/كتاب النكاح/حدیث: 18441]

حضرت ابراہیم رحمہ اللہ فرماتے ہیں کہ مہر مثلی کا اقرار کرنا درست ہے۔ [مصنف ابن ابي شيبه/كتاب النكاح/حدیث: 18442]

حضرت حسن رحمہ اللہ کے نزدیک ایسا اقرار درست ہے۔ [مصنف ابن ابي شيبه/كتاب النكاح/حدیث: 18443]

حضرت شعبی رحمہ اللہ فرماتے ہیں کہ خاوند کے لئے ایسا اقرار درست نہیں کیونکہ عورت اس کی وارث ہے اور وارث کے لئے وصیت نہیں ہوتی۔ [مصنف ابن ابي شيبه/كتاب النكاح/حدیث: 18444]

حضرت شعبی رحمہ اللہ فرماتے ہیں کہ مرد کا قول معتبر ہوگا۔ [مصنف ابن ابي شيبه/كتاب النكاح/حدیث: 18445]

حضرت حماد اور حضرت ابن ذکوان رحمہما اللہ فرماتے ہیں کہ مہر مثلی کی حد تک عورت کا قول معتبر ہوگا۔ [مصنف ابن ابي شيبه/كتاب النكاح/حدیث: 18446]

حضرت حسن رحمہ اللہ فرماتے ہیں کہ اگر عورت کا قول مہر مثلی سے کم کا ہو تو عورت کا قول معتبر ہوگا۔ [مصنف ابن ابي شيبه/كتاب النكاح/حدیث: 18447]

حضرت سعید بن جبیر اور حضرت شعبی d فرماتے ہیں کہ اگر آدمی نے عورت سے مہر آجل اور مہر عاجل کے بدلے نکاح کیا، پھر آدمی نے دخول کرلیا تو گواہی اس بات پر قائم ہوگی کہ اس نے مہرا دا کردیا ہے۔ [مصنف ابن ابي شيبه/كتاب النكاح/حدیث: 18448]

اسماعیل بن سالم کے واسطے سے حضرت شعبی رحمہ اللہ سے بھی منقول ہے کہ ان دونوں حضرات نے اس آدمی کے بارے میں جس نے عورت سے عاجل اور آجل مہر کے بدلے نکاح کیا پھر اس سے دخول کرلیا، فرمایا کہ مرد کو اس بات کی گواہی پیش کرنی ہوگی کہ اس نے مہر عورت کو ادا کردیا ہے۔ [مصنف ابن ابي شيبه/كتاب النكاح/حدیث: 18449]