حضرت حسن فرماتے ہیں کہ حرامیہ باندی کو خریدنے اور اس سے جماع کرنے میں کوئی حرج نہیں۔ [مصنف ابن ابي شيبه/كتاب النكاح/حدیث: 17120]

حضرت سیار مولی معاویہ فرماتے ہیں کہ ایک مرتبہ ایک آدمی نے کسی حرامیہ عورت سے شادی کا ارادہ کیا اور اس بارے میں ایک صحابی سے پوچھا۔ انہوں نے فرمایا کہ تم ایسا نہ کرو، اس سے شادی کرنے سے بہتر ہے کہ تم اس کی ماں سے شادی کرلو۔ [مصنف ابن ابي شيبه/كتاب النكاح/حدیث: 17121]

حضرت محمد بن سیرین حرامیہ باندی کو بطور باندی رکھ کر اس سے جماع کرنے کے بارے میں فرماتے ہیں کہ اس کے والدین کے گناہ کا وبال اس پر کیوں ہو۔ [مصنف ابن ابي شيبه/كتاب النكاح/حدیث: 17122]

حضرت حکم فرماتے ہیں کہ اگر میرے پاس کوئی حرامیہ باندی ہو تو مجھے اس سے جماع کرنے میں کوئی عار نہیں۔ [مصنف ابن ابي شيبه/كتاب النكاح/حدیث: 17123]

حضرت ابومعبد فرماتے ہیں کہ حضرت ابن عباس رضی اللہ عنہما نے ایک ایسی باندی سے جماع کیا جس کے بچے کا انکار کیا تھا۔ [مصنف ابن ابي شيبه/كتاب النكاح/حدیث: 17124]

حضرت ابن عباس رضی اللہ عنہما اس بات میں کوئی حرج نہ سمجھتے تھے کہ آدمی اپنی باندی سے جماع کرے جبکہ اس نے زنا کیا ہو، اور فرماتے کہ یہ اس کے لئے پاکیزگی کا سبب ہوگا۔ [مصنف ابن ابي شيبه/كتاب النكاح/حدیث: 17125]

حضرت سعید بن مسیب نے ایک زانیہ باندی سے جماع کیا۔ [مصنف ابن ابي شيبه/كتاب النكاح/حدیث: 17126]

حضرت شعبی سے سوال کیا گیا کہ کیا آدمی زانیہ باندی سے جماع کرسکتا ہے؟ انہوں نے فرمایا کہ اسے اختیا رہے اگر چاہے تو اس سے جماع کرلے اور اگر چاہے تو اسے روکے رکھے۔ [مصنف ابن ابي شيبه/كتاب النكاح/حدیث: 17127]

حضرت عبد اللہ رضی اللہ عنہایسی باندی سے جماع کرنے کو مکروہ خیال کرتے تھے جس نے زنا کیا ہو۔ [مصنف ابن ابي شيبه/كتاب النكاح/حدیث: 17128]

حسن سے سوال کیا گیا کہ کیا آدمی اپنی زانیہ باندی سے جماع کرسکتا ہے؟ انہوں نے فرمایا نہیں، ہرگز نہیں۔ [مصنف ابن ابي شيبه/كتاب النكاح/حدیث: 17129]